不是吧?!

星加坡的香煙包裝? 當地應該沒有煙民吧......
來源: http://centralsaintstudent.blogspot.com/2007/01/blog-post.html

K168168(4)

原來安安佳佳已經來港7年, 有篇特輯係有關安安佳佳的生活鎖事, 報上登有一張屬於安安佳佳的身份證, 又無註明係設計圖片
咁....入境處真係發出三星身份證俾安安佳佳? 有無人可以話我知?

愛死這相

自己影相永遠怪怪的, 望鏡頭正路交行貨(怪), 唔望鏡扮自然既樣衰(真係見到都想星兩巴)
朋友偷拍的相, 效果出奇的好, 再上網加埋扮andy warhol效果, 正! 愛死這相!!

photoshop都可以做到, 但用呢個吾洗郁手wor~~
http://www.bighugelabs.com/flickr/warholizer.php

人如blog名

懶 !!!!
十世都無一個新post, 今日寫blog都只因i先生昏迷, 無聊得很
新一年總會有什麼什麼目標, 明知自己不行也裝模作樣立下目標, 希望在工作上有所改善及突破
07年上班了一個星期, 仍然沒啥改變
到底是否表達出了問題? 上司講的和我好像是一樣的, 但自己工作卻評為錯漏百出, 當然, 細節上是沒有上司般清晰.........
而且習慣逃避難題, 當真的要面對時難題已經養成禍患, 唉, 不停loop住相似問題, 遲早出事
orz..........

醉

公司annual dinner後, 同事齊齊唱k去; 點了非常易入口既芝華仕溝綠茶

無錯, 的確非常易入口, 自己一個人飲左6-7杯, 仲有一半嫌淡再加酒

哈, 出事, 醉到突然變煙民(之前未食過@_@), 又大叫大聲唱, 嚇怕所有同事

這裏一定要多謝i先生, 多謝佢不嫌辛苦的半夜接送, 還有照顧一個無知覺的我

老土都係一句: 女兒家要小心飲酒;

首先飲左想攬仔, 無動手, 但竟然扮k房聲音太大, 對男同事耳語, 天啊, 果位男同事唔係正仔黎ga, 最重要是我對佢無興趣;

其次今次我見到i先生後, 到翌日起身中間的所有記憶也是空白一片!!沒印象吐過, 沒印象怎樣上車.....真係俾人滾左都唔知

最弊係....頭痛, 痛到想死.........一個星期日就在頭痛下了結................

徐子淇

嗯....自問不算一個八掛人(自己講咋), 今日午飯時聽到同事提起徐子淇派對的排場: 五毫子大的鑽戒, 火柴盒般的藍寶石

呢d身外物, 唔恨得咁多, 但最令我妒忌的是, 她的笑容

回家特意看娛樂版, 嘩!!! 洗唔洗笑得咁甜先!!!!!!!!!!!

根據對娛樂資料的分析, 徐小姐應該不是為錢而嫁, 李先生亦不是因為"玩"明星而娶; 是真心相愛唷, 還要有錢, 太幸福了

女既自比灰姑娘, 男既笑到執金咁, 聞說恒基員工仲因為老闆娶新抱每人利是一萬, 唔係喜慶同真心高興點會咁?

感覺實在太童話, 只可以扮少女漫畫式對白說句: 幸福的光芒照得我張不開眼, 並將我燒傷............

p.s. 我唔認識徐小姐, 但她給我印象甚佳, 一個半工讀仍有好成績, 女模界中長大不煙不蒲, 有點出於污泥而不染的感覺, 還有是拿著幾萬元手袋高呼: 「手袋係我搵錢買ga!!」型!!!

我在伊朗長大

在田園買了顧媢回憶錄給母親大人, 還欠三十塊就可以得到十元書券, 那當然不能放過這機會, 把整間書店走了很多轉, 始終也找不到一本吸引我付鈔的書

差不多放棄時, 突然想起曾經打書釘看過的一本繪本 -- 我在伊朗長大

買了書, 一個人在快餐店吃晚飯, 已經把第一本看了七成, 立即趕回書店買餘下的三本

田園已關門, 開益買完, 在榆林找到了, 還有簡體版(很便宜, 才RMB21, 繁體的$48); 但已經買了第一冊, 回不了頭, 買了第二冊

回家當晚把一, 二冊也看完, 翌日放工又跑到美孚的紫羅蘭帶餘下的三, 四一起帶回家

如果聽上來像得了精神病, 病因一定是這書太好看

一個在伊朗長大的女孩, 把自己的故事畫出來, 每一冊也有不同的主題

第一冊<面紗>是用赤子心看祖國及宗教, 對世界的不明瞭

第二冊<安息日>到了兩伊開戰的時間, 人民活在革命中, 同時面對死亡

第三冊<捉迷藏>作者到了歐洲留學, 交代了人在異地的文化衝擊和青春期的反叛

第四冊<回家>返回伊朗, 做回父母的小寶寶, 重新習慣伊斯蘭教下女性地位的低微

一書四冊, 給我的感覺是伊朗繪本版的<最後的貴族>, 一個女孩在革命下的故事, 不同的是章詒和沒有作者的幸運, 而且<我>一書以自己做故事的中心, <最>則是用自己眼睛來記事

三聯出版, 繁體版$60(二樓書店有八折); 簡體版RMB21, 另外也可到公共圖書館內借閱

無題

今日呢篇好口語化, 忍耐下, 雖然行文亂七八糟, 就當呢篇係俾我自言自語好了

月底去台灣渡假, 自己每逢旅遊前就一定勁想買野; 真變態, 明明要留錢去旅行, 但偏偏行為相反

今次亦唔例外, 自己覺得台北天氣會比香港凍,就一直盤算要置新衫到台北; 心目中要添置的有: causal款保暖外套及頸巾

一直以為只有當年返學既寶藍阿媽牌頸巾, 就一心尋覓可以陪我飛行頸巾, 可惜睇左好耐, 唔係太貴就太差*

事情發展落去, 竟然俾我發現自己有條扮harry potter gryffindor學院頸巾, 唉, 都有要既野, 咪唯有死心 但今日俾我係zara到見到一條只要$129既粗冷頸巾, 正!!!

事後本來打算去食ruby tuseday, 點知勁多人, 要等成個鐘先有位, 唯有行下街先

真衰, 聖誕未到, 鋪頭既sale就開始(以往明明無咁早 ), 咁就貢左入去i.t.到八下

先係addias入面睇中冷帽一頂, 真係好靚, 最得意係雪花pattern係織左addi既三葉草!!

再順路睇下五厘米, 呢個最岩我扮中性既牌子**, 望到一件夾棉褸, 老實話, 自己尚算耐寒, 夾棉褸真係唔多機會著, 點知睇睇下又幾鍾意, 朋人又和議, 再俾sales姐姐講多兩句, 又買埋

今日話咁樣睇下買下就洗左我千幾個洋, 好肉痛.......

*孤寒人, 從來買衫唔會買過250既上衣, 400蚊既褲, 心目中既best price係150/item, 再平d就更好; 但唔明白點解e+既成衣點解咁貴; 對款式及潮流唔太在意, 不過質素都仲有少少要求, 車線要順, 質料唔可以太差, 褸最好要有內裡, 但.....出手低既關係, 真係好難買衫.....唉

**雖然唔在意款式, 但基於身形頗胖, 兼自己唔係可以著得斯斯文文既甜姐兒, 最愛中性打扮, 偏偏適合牌子唔多

兩則

等了兩小時, 雖然明明是二人間出了時間上的誤會, 但人家又不是第一次等我二小姐, 那好意思辯護.....最怕的是忍耐己到臨界線, 人始終有極限

x x x x x x x x x x x x x x x x x x x x x x x x x x x x x x x x x x x 

職位算是工種上的低位, 深信有一天可以爬上去, 但和同事聊起同一職位的邊個邊個竟然行年三十!!!

我不想到了三十還是這個位置, 似乎要努力工作, 不要再在工時發白日夢/偷偷上網/msn等...........................

慢半拍

承認我這人什麼也是慢半拍/一拍的, 大家興高采烈的去做一件事, 總是曲終人散才熱身完; 剛決定嘗試每天寫blog*, 喜歡瀏覽的blogger已經開始顯現疲態, update減慢有的更說明擱寫......

*有這想法是開始發現無論文字/語言上也越來越不懂表達自己, 唯有希望透過每天的紀錄盡力把心想的表達出來, 就像上課的quick writing: 只要筆在動, 就不該寫不出東西來

尋腰啟示

本人失左24纖腰一條, 已經近十載不見, 怎感掛念, 如有任何人事尋獲本人纖腰敬請告知, 薄酬

一擲千金

老實說, 這個電視節目非常沈悶, 主持許冠文仍停留在古時, 說的笑話現在聽起來已經十分的冷

意外地, 今晚在家打邊爐時看了一整集, 原因不是節目吸引, 而是參加者是我的一名舊同事

印象中這個同事是怕羞仔一名, 很少聽他說話, 更少聽到他自己的事; 我竟然和全港眾多無聊電視觀眾一齊知道他更多的事

節目內他和主持人不斷強調欠咭數及以往爛賭的故事, 心諗: 這樣的私人事也要當眾宣佈?

他的老闆(也就是我以前的老闆)是一個會批評員工私德的人, 連人家吸煙也會訓示一番; 他這樣大刺刺的公佈好賭的事, 不會影響到工作嗎? 再者不論是否老闆介意, 這些也不好事吧!? 怎可能告訴三九唔識七的人? 是他勇還失我怯?

開張大吉

已經第4個blog,

1. xanga用作紀錄一段感情既不快事(已成歷史, 不用update),
2. msn space嫌load得太慢,
3. yahoo唔可以用windows live writer,

所以搵左個又support live writer又好多好睇blog既blog web supplier--blogger
希望今次生生性性, 唔好又變成網上孤兒仔, 不過名稱已露倪端——懶惰部落

題外話: windows live writer幾好用, 試用download按此